المقادير:-
لعجينه الإكلير =
كوب وربع طحين دقيق أبيض
كوب ماء
رشة ملح
3 بيضات \ زيت \ زبدة \ بيكنغ باورد
:an6:
للحشوة =
المفروض كاستر لكن ما تفجيت اسويه الصراحه كنت مستعجلة وبغيت افتك بسرعه
فقررت بعد تفكيير عميق بالمطبخ انه ابدل الكاستر
بــ دانيت ,, نعم نعم دانيت ,, ترى يشبه الكاستر ,, ولو حبيتوا تختارون ع ذوقكم شي ثاني
مثل قشطة او كاستر او
دانيت او اللي تبونه ان شاء الله كتشب او مايونيز = لا عاد مصختيها
للتلميع الإكلير من برى =
استخدمت شوكولاه ذوبتها وحطيتها فوق الشمسه ,,
المهم بعدين بشرت لوح شوكولاه عشان يصير الإكلير مثير أكثر
الطريقة :-
نجيب حلة ونحط الماء ولمن ييصير دافي نضيف ملعقتان من الزيت وكذلك نضيف ملعقتان من الزبدة
ومن ثم نضيف الطحين بالتدريج و رشة بيكنغ باورد
,,نخلط بشوي وبكل نعومة لغاية ما يتكون لنا المزيح وبعدين نتركه يبرد
ولمن يبرد المزيج لمدة كافيه نضيف الــ 3 بيضات بالتدريج ومن ثم نحطه ف هذا اللي يحطون فيه
العجيبة عشان نشكلها ,, بس دورت عليه ولا حصلته اللي ما يستحي من بغيته اختفي
ف اضطريت اجيب كيس صغير اللي نحط فيه الخضرة ,, ما علينا
وحطيت المزيج بالكيس وربطته ,, وخرمته من المقدمه ,, بس انتبوا لا تضيع الفتحة المخرومة
ترى تروحون فيها تضغطون من هنا ويطلع من هناك واقعد عدل من هني وضبط من هناك \
ومن ثم تشكلونها ع الفرن وتحطون الصينية بالفرن وتخفظون ع درجة الحرارة
وطبعا بتكونون مجهزين الفرن ومسخنينه من قبل ,,
ومن هالنقطة تابعوا الفرن الين ما يجيكم احساس انه استوى
عاد مشكلة لو ما جاكم هالإحساس ينحرق كل شي
وعن نفسي الحبة هاذي اللي تشوفنها الوحيدة اللي طلعت مثل الناس هههههه
الأربعاء ديسمبر 02, 2009 11:36 am